նախընտրելի դարձնելՑանցում հայտնված տեսագրությունը, որում երեւում է, թե ինչպես են եգիպտական զինվորները մերկացնում եւ ծեծում ցույցի մասնակից կանանցից մեկին, հարուցել է միջազգային հանրության վրդովմունքը:
Համաշխարհային առաջնորդները մտահոգություն են հայտնել երկրում չդադարող բռնությունների կապակցությամբ: ԱՄՆ պետքարտուղար Հիլարի Քլինթոնն այդ առիթով հայտարարել է. «Ես եգիպտական հատուկ ծառայություններին կոչ եմ անում հարգել եւ պաշտպանել ամեն մի եգիպտացու հանրահավաք անցկացնելու եւ խոսքի ազատության իրավունքը»:
Հիշեցնենք, որ սա Թահրիր հրապարակում կնոջ նկատմամբ ցուցաբերվող բռնության հայտնի դարձած առաջին դեպքը չէ: Ավելի վաղ անկարգությունների զոհ էին դարձել անգամ արեւմտյան կին լրագրողները, որոնք սեռական բռնության էին ենթարկվել:
«Թահրիրի աղջկան» կամ, ինչպես նրան արդեն անվանում են սոցցանցերում, «կապույտ կրծքկալով աղջկան» ծեծելու տեսագրությունը ցնցում է իր դաժանությամբ, գրում է NEWSru.com-ը:
Տեսագրությունը եւ մի քանի լուսանկարներ հրապարակվել էին կիրակի գիշերը եւ մի ակնթարթում տարածվել ցանցում: Կադրերում երեւում է, թե ինչպես մի քանի տղամարդիկ փորձում են քաշել կնոջ ձեռքերից, որպեսզի օգնեն փախչել զինվորներից: Սակայն զինված մարդիկ սկսում ե ծեծել նրանց: Միաժամանակ պատառոտում են կնոջ հագուստները: Քացիներով խփում են կնոջ գլխին եւ որովայնին: Կնոջ վնասվածքների ծանրության աստիճանը եւ նրա հետագա ճակատագիրն անհայտ են:
