նախընտրելի դարձնելՌուսաստանի առողջապահության եւ սոցիալական զարգացման նախարարության հակաալկոհոլային սոցիալական «Տոլյան-բրատան» ընկերության նկարահանած նոր հոլովակն է հայտնվել ցանցում:
Ավանդական պերսոնաժ սկյուռիկը (խոսակցական լեզվում «սկյուռիկ» (белочка) են անվանում սպիտակ տենդին) հյուր է գնում «Տոլյանին»: Տոլյանի փոխարեն նրա նկարով շիրմաքարն է գտնում: Շիրմաքարը նաեւ խոսում է, ընդ որում` Եսենինի բանաստեղծության տողերով` «Ընկեր իմ, ընկեր իմ, Ես շատ ու շատ հիվանդ եմ…»:
Սկյուռիկը եթեր է դուրս գալիս ավանդական նորությունների եւ եղանակի տեսության հետ. «Մեր երկրի Վլադիվոստոկում պարզ է`«տժժում» են», իսկ հետո ներկայացվում է ալկոհոլի գովազդ` առողջապահության նախարարության ավանդական հիշեցմամբ` «Ես առողջապահության նախարարությունը չեմ, չեմ պատրաստվում զգուշացնել»:
«Դժոխային սկյուռիկի» առաջին հոլովակը YouTube կայքում հայտնվել է նոյեմբերին: Վիրուսային հոլովակը մեկ շաբաթում միլիոնից ավելի դիտում է արձանագրել (ներկա պահին` 4 միլիոնից ավելի): Հետագայում առողջապահության եւ սոցզարգացման նախարարությունը խոստովանել է, որ հոլովակը ալկոհոլի դեմ պայքարի շրջանակներում է նկարահանվել, գրում է lenta.ru-ն:
