նախընտրելի դարձնելԴավիթ Մինասյանի առողջական վիճակը կտրուկ վատացել էր, գիտակցության կորուստ էր ունեցել, տեղափոխվեց «Աբովյան» ԲԿ, բայց քանի որ նա կոմպլեքս հիվանդություններ ունի և, ինչպես մայրն էր ասել, 9 օրականից բուժվել էր այս բուժկենտրոնում, «Աբովյան» ԲԿ–ում մի դեղը հակասում էր մյուս դեղին, մի ներարկումը մյուս ներարկմանը, ամբողջ ընթացքում մայրը զանգահարում էր բուժող բժշկին, և հարցնում էր՝ այսինչ դեղը այսինչ դեղի հետ կարելի է, թե՞ չի կարելի։ Այս մասին, այսօր՝ ապրիլի 3–ին, «Նաիրի» ԲԿ–ի մոտ լրագրողների հետ զրույցում նշեց փաստաբան Վարդուհի Էլբակյանը՝ հավելելով, որ դրանից հետո որոշում մկայացվեց, որ Դավիթին տեղափոխեն «Նաիրի» ԲԿ։
«Բան նաև այլ խնդիրներ, որոնք չեմ կարող հրապարակայնացնել։ «Աբովյան» ԲԿ–ն պատրաստ էր ամեն ինչ անել, բայց քանի որ իր վիճակն այնպիսին է, որ բուժումը կոմպլեքս է, այսպիսի որոշում կայացվեց»,–ասաց նա՝ խնդրելով լրագրողներին գոնե առժամանակ դադարեցնել նկարահանումները։
Նշենք, որ այսօր առավոտյան Դավիթ Մինասյանին «Արմավիր» ՔԿՀ–ից տեղափոխել էին «Աբովյան» ՔԿՀ. «Տեղափոխման հիմքում ընկած է անձի լավագույն շահը, հաշվի է առնվել ազատությունից զրկված անձի տարիքը և միջնակարգ կրթության շարունակականության ապահովման կարևորությունը»,-ասել էր ՀՀ ԱՆ Քրեակատարողական ծառայության մամուլի խոսնակ Նոնա Նավիկյանը։
Դրանից քիչ անց Դավիթի ինքնազգացողությունը վատացել էր և նրան տեղափոխել էին «Աբովյան» ԲԿ։
Ավելի վաղ NEWS.am–ը հայտնել էր, որ մարտի 29–ին, Սուրբ Աննա եկեղեցում Փաշինյանի մասնակցությամբ միջադեպ է եղել, Փաշինյանի թիկնապահները նախ հրելով ճանապարհ են բացել, իսկ երբ երիտասարդը նշել է, որ ցանկացել է իր տեղում կանգնած մնալ՝ վեճ է եղել։ Ավելի ուշ ոստիկանները ուժի կիրառմամբ եկեղեցուց բերման ենթարկեցին երիտասարդներին։
Այս գործով 3 անձ ձերբակալվել է, նրանից երկուսը 18 տարեկան երկվորյակ եղբայրներ են՝ Դավիթ ու Միքայել Մինասյանները, երրորդը հասարակական գործիչ Գևորգ Գևորգյանն է։
Փաստաբան Լուսինե Մարտիրոսյանի խոսքով եղբայրներն ունեն բանտարկության հետ անհամատեղելի հիվանդություն։
18–ամյա դպրոցական Դավիթ Մինասյանը 2 ամսով կալանավորվել է, Նրա եղբայր Միքայել Մինասյանը ազատ է արձակվել, նրա նկատմամբ կիրառվել է չբացակայելու արգելք խափանման միջոցը։ Նույն գործող անցնող հասարակական գործիչ Գևորգ Գևորգյանը ևս ազատ էր արձակվել 5 մլն գրավի դիմաց։
