Իսրայելի Տեղեկատվության եւ Սփյուռքի նախարար Յուլի Էդելշտեյնը պաշտոնական այցով օգոստոսի 23-ին կժամանի Հայաստան: Այս մասին Երեւանում տեղի ունեցած ասուլիսի ժամանակ հայտնել է Կովկասում հայրենադարձության հարցերով Իսրայելի դեսպան Ռոն Շեխտերը:
Նա հայտնել է, որ նախարարը կմասնակցի Հայաստանում հրեական համայնքի գրանցման 20-ամյակին նվիրված հանդիսավոր արարողությանը: Միջոցառումը տեղի կունենա օգոստոսի 24-ին Պարոնյանի անվան թատրոնում, որի մուտքը, ինչպես տեղեկացրել է Հայաստանի հրեական համայնքի ղեկավար Ռիմա Վարժապետյանը, ազատ է բոլոր այցելուների համար:
նախատեսվում է նաեւ նախարարի մի շարք հանդիպումներ եւ զբոսանք երկրի տարածքում, որը նախատեսում է նաեւ այցելություն Ցեղասպանության զոհերի հուշահամալիր:
Հայաստանից հետո պատվիրակությունը կմեկնի Վրաստան եւ մի շարք այլ երկրներ:
Հայաստանում հրեաների թիվը կազմում է 800-1000 մարդ: