Իսրայելը չի ճանաչում Երուսաղեմի 97-րդ Հայոց պատրիարք Նուրհան արքեպիսկոպոս Մանուկյանին, որը ձեռնադրվել է հունիսի 5-ին Երուսաղեմի հայկական թաղամասում գտնվող Սուրբ Հակոբ եկեղեցում:
Որպես կանոն Երուսաղեմի քրիսստոնեական համայնքները ջանում են իրենց համար հոգեւոր առաջնորդներ նշանակել այնպիսի մարդկանց, որոնց թեկնածությունը Իսրայելին, Հորդանանին եւ Պաղեստինին ձեռնտու է: yerkir.am-ը նշում է, որ այս հանգամանքը եպիսկոպոսների եւ պատրիարքների ընտրության հարցում լուրջ դիվանագիտական խնդիր է առաջացնում:
Նուրհան արքեպիսկոպոս Մանուկյանի նշանակումը խախտում է այդ օրենքը, քանի որ վերջինիս թեկնածությունը ողջունել են միայն Պաղեստինը եւ Հորդանանը, իսկ Իսրայելը` ոչ:
Մեկ անգամ չէ, որ արքեպիսկոպոսը հանդես է եկել հակաիսրայելական հայտարարություններով, իսկ 2013-ի սկզբին խիստ քննադատության է ենթարկել Իսրայելին Հայոց ցեղասպանության փաստը չընդունելու պատճառով:
