Ռուսաստանը զենքի խոշորագույն արտադրողներից եւ մատակարարներից է: Այս մասին Երեւանում հայտարարել է ՀԱՊԿ գլխավոր քարտուղար Նիկոլայ Բորդյուժան` հայ լրագրողների խնդրանքով մեկնաբանելով աղմկահարույց հարցը, որ Ռուսաստանն Ադրբեջանին սպառազինության խոշոր խմբաքանակ է վաճառել:
Բորդյուժան հիշեցրել է, որ Ռուսաստանը զենք է մատակարարում աշխարհի տասնյակ երկրների, այդ թվում` այն երկրներին, որոնք չեն մտնում ՀԱՊԿ կազմի մեջ: «Դա բիզնես է, դա շուկա է, դա Ռուսաստանի Դաշնության տնտեսությունն է: Հարցն այլ է, երբ ոչ ՀԱՊԿ անդամ հանդիսացող երկրներին զենք վաճառելիս որոշումը կայացնելու ժամանակ առաջնորդվում են հավասարությունը պահպանելու սկզբունքով: Դա սկզբունք է, որն ուշադրության կենտրոնում է եղել ձեր հարեւանին զենք վաճառելու որոշումը կայացնելու ժամանակ»,-ասել է ՀԱՊԿ գլխավոր քարտուղարը:
Հիշեցնենք, որ լրատվամիջոցներում տեղեկություններ էին հայտնվել այն մասին, որ գարնանը ռուսական ցամաքային ռազմատեխնիկա է մատակարարվել Ադրբեջանին` ավելի վաղ կնքված գործարքների հիման վրա: Գործարքների ընդհանուր գումարը գնահատվում է 1 մլրդ դոլար:
Հայաստանի ռազմավարական դաշնակից Ռուսաստանն Ադրբեջանին 1 մլրդ դոլարի սպառազինություն է մատակարարում
ՀՀ ՊՆ-ում այս լուրը մեկնաբանելիս հաղորդել էին, որ «վաճառվող արտադրանքի քանակն ու տեսակները չեն խախտում ուժերի հավասարակշռությունը եւ Ադրբեջանի ղեկավարության համար Հայաստանի եւ Լեռնային Ղարաբաղի նկատմամբ ագրեիա իրագործելու միտումներ չեն ստեղծում»:
ՊՆ-ն դիրքորոշում չի հայտնի Մոսկվայի կողմից Ադրբեջանին 1 մլրդ դոլարի զենք վաճառելու վերաբերյալ