ԵՄ անդամակցության հեռանկարների մասին մտորումների փոխարեն Հայաստանը պետք է ավելի լայն մտածի երկրի շահերի մասին: Այս մասին NEWS.am-ին ասաց Երկրաքաղաքագիտական վերլուծության եվրոպական կենտրոնի տնօրեն Մաթեուշ Պիսկորսկին` կարծիք հայտնելով, որ Բրյուսելը դրանում շահագրգռված չէ:
«Դիտարկելով Հայաստանի շահերը` անհրաժեշտ է հաշվի առնել հետեւյալը. առաջին հերթին պետք չէ խոսել գործընկերության եւ լուրջ պլանների մասին, միաժամանակ առաջարկելով ասիմետրիկ վիզային ռեժիմ: Երկրորդը ԵՄ «փափուկ ուժը» չի կարող երաշխավորել Հայաստանի եւ Լեռնային Ղարաբաղի անվտանգությունը»,-նշեց քաղաքագետը` ընդգծելով, որ անհրաժեշտ են անվտանգույթան ամուր երաշխիքներ, որոնք ԵՄ-ն չի ապահովի:
Նա նաեւ ավելացրեց, որ հայերին հարկավոր է ոչ թե եվրոպական արժեքների քաղաքականությունը, այլ ենթակառուցվածքային նախագծերի ռեալ աջակցություն: Նրա խոսքով` ԵՄ-ն դա չի կարող ապահովել տնտեսական ճգնաժամի պատճառով: «Այնպես որ Ասոցացման համաձայնագիրը քայլ է, որն առաջին հերթին խորհրդանշական նշանակություն ունի»,-եզրափակեց նա:
