Իրանի ռազմածովային ուժերի հրամանատար Աբիբոլա Սայարին հաստատել է իրանական ռազմանավերի Ատլանտյան օվկիանոս երթի մասին տեղեկությունը:
«Մեր ռազմանավերն այժմ անցնում են Ադենի ծոցը եւ ուղեւորվում են Ատլանտյան օվկիանոս»,- հստակեցրել է փոխծովակալը իրանական Fars գործակալությանը տված հարցազրույցում:
Ընդ որում նա ընդգծել է, որ «բոլոր երկրները, ներառյալ Իրանը, իրավունք ունեն ներկա գտնվել համաշխարհային օվկիանոսում եւ իրենք չեն պատրաստվում մտնել որեւէ երկրի տարածքային ջրեր»:
Հիշեցնենք, որ փետրվարի 8-ին իրանական հյուսիսային ծովի նավատորմի հրամանատար, ծովակալ Ռեզաի Հադդադը Fars-ին տված հարցազրույցում հայտարարել էր, որ «Իրանի ռազմական նավերը Ատլանտյան օվկիանոս են դուրս եկել» եւ իրանական ռազմական նավատորմը «մոտենում է ԱՄՆ-ի ծովային սահմանին»: Նրա խոսքով «այս հնարքն ուղերձ է». այդ կերպ Իսլամական հանրապետությունը «պատասխանում է Պարսից ծոցում ամերիկյան նավատորմի ներկայության ուժեղացմանը»:
Իրանական լրատվամիջոցների տվյալներով մասնակցում է 29-րդ նավատորմի նավերը, ուղղաթիռակիր Հարկը եւ Սաբալան կործանիչը, որոնք առաջիկա երեք ամսում 25000 ծովային մղոն հեռավորություն պետք է հաղթահարեն, հայտնում է NEWSru.com-ը:
