ԵՄ արտաքին քաղաքականության եւ անվտանգության հարցերով գերագույն ներկայացուցիչ Քեթրին Էշթոնը հայտնել է, որ ԵՄ արտգործնախարարների խորհրդի նիստ է գումարել` «Ուկրաինայի իրավիճակի հետ կապված խոր մտահոգության պատճառով» եւ ճգնաժամի լարվածությունը թոթափելու կոչ է արել:
«Այսօրվա նիստի նպատակն է քննարկել քաղաքական հարցեր», - նախքան նիստը լրագրողներին հայտնել է Էշթոնը:
Նա նաեւ հավելել է, որ նիստի վերջում մամուլի ասուլիս կկայանա:
Նշենք, որ ԵՄ անդամ երկրների Արտգործնախարարների խորհուրդը արտակարգ նիստի է հավաքվում` Ուկրաինայի իրավիճակը քննարկելու համար:
