Վլադիմիր Պուտինը հայտարարել է Արեւելյան Եվրոպայում ՆԱՏՕ-ի զորքերի ամրապնդման մասին եւ խոստացել համարժեք պատասխան տալ դաշինքի գործողություններին: Այս մասին ՌԴ նախագահը նշել է երկրի ինքնիշխանության եւ տարածքային ամբողջականության հարցերով Անվտանգության խորհրդի նիստի ժամանակ:
«Մենք համարժեք եւ համաչափ կպատասխանենք մեր սահմաններին ՆԱՏՕ-ի ռազմական ենթակառուցվածքների մոտենալուն, եւ անուշադրության չենք մատնի գլոբալ հակահրթիռային պաշտպանական համակարգերի տեղակայումն ու բարձր ճշգրտությամբ ռազմավարական զենքերի պաշարների աճը»,- Պուտինի խոսքերն է մեջբերում Газета.Ру-ն:
Բացի այդ, նա հայտարարել է, որ սահմանին ՆԱՏՕ-ի ակտիվացման պատճառով Ռուսաստանը բարձրացնելու է իր պաշտպանունակությունը, այդ թվում՝ Ղրիմում:
«Մեզ հաճախ են ասում, որ ՀՀՊ համակարգը պաշտպանական համակարգ է: Ոչ մի նման բան: Այն հարձակողական համակարգ է, այն ԱՄՆ հարձակողական պաշտպանության համակարգի մաս է»,- հայտարարել է Վլադիմիր Պուտինը:
Պուտինը նաեւ նշել է, որ ներկայում Ռուսաստանին եւ նրա տարածքային ամբողջականությանն ուղղակի վտանգ չի սպառնում:
