Ուկրաինական խորհրդարանում հուլիսի 22-ին ընդմիջումից հետո Գերագույն Ռադայի խոսնակ Ալեքսանդր Տուրչինովը նկատողություն է արել խմբակցությունների ղեկավարներին՝ խորհրդարանականների կարգապահության ցածր մակարդակի պատճառով, որոնք ընդմիջման ավարտից հետո, նիստը շարունակվելու ընթացքում, նստած են մնացել ճաշարանում:
«Ճաշարանն ուկրաինական պառլամենտարիզմի թշնամին է: Հավանաբար հարկավոր է այն անհապաղ փակել»,- հայտարարել է նա:
Տուրչինովը քարտուղարությանը խնդրել է նիստերի դահլիճ վերադառնալու մասին պատգամավորներին երեք անգամ հայտարարել, առաջին հերթին, ճաշարանում:
«Ես դիմում եմ խորհրդարանական խմբակցությունների ղեկավարներին եւ խնդրում մեր խմբակցություններում եւ խմբերում կարգապահություն ապահովել: Հիշեցնեմ, որ Գերագույն Ռադան աշխատում է ամբողջ օրը, այլ ոչ թե միայն օրվա առաջին կեսին, այդ պատճառով մենք չենք այլեւս չենք շարունակել այսպես աշխատել: Ցավոք, մեր պատգամավորների կարգապահությունը ցածր մակարդակի վրա է: Ամոթալի պրակտիկա է, երբ մենք չենք կարողանում աշխատել ամբողջ օրը: Ես եւս մեկ անգամ նկատողություն եմ անում խորհրդարանական խմբակցությունների ղեկավարներին՝ իրենց պատգամավորների կարգապահության համար»,- հավելել է Տուրչինովը:
Սակայն դրանից հետո դահլիճում պատգամավորների թիվը չի ավելացել: «NR2.com.ua»-ի փոխանցմամբ՝ շատերը հանգիստ շարունակել են ճաշել: