Մահմուդ Աբասի գլխավորած Պաղեստինի ազատագրական կազմակերպությունը (ՊԱԿ) խրախուսել է ՀԱՄԱՍ-ի անդամների կողմից առաջադրած իսրայելական կողմի հետ հաշտեցման պահանջները:
«Ագրեսիայի դադարեցման եւ շրջափակումից հանելու Գազայի հատվածի պահանջները ողջ Պաղեստինի ժողովրդի պահանջն են: Դրանք նպատակ են, որին ցանկանում է հասնել պաղեստինյան ղեկավարությունը», - Huffington Post-ը մեջբերում է ՊԱԿ-ի գործադիր հանձնաժողովի գլխավոր քարտուղար Յասեր Աբեդ Ռաբոյի խոսքերը, հաղորդում է «Ռոսբալտը»
Ինչպես ավելի վաղ էր հաղորդվել Եգիպտոսը պաղեստինցիների եւ Իսրայելի միջեւ բանակցությունների միջնորդ է հանդես գալիս: Մեկ շաբաթ առաջ Եգիպտոսը հակամարտող կողմերին առաջարկել էր անհապաղ հրադադար եւ դրան հետեւող երկարատեւ կարգավորման պարամետրերի մասին բանակցություններ: Այս քայլին համաձայնել են իսրայելցիները: Սակայն Գազայի հատվածում իշխող ՀԱՄԱՍ շարժումը հրաժարվել է մինչպատերազմական ստատուս-քվոյին եւ պահանջել, որ հատվածի շրջափակումից դուրս բերեն, իսկ Հորդանանի արեւմտյան ափին ձերբակալված ՀԱՄԱՍ-ի համախոհները ազատ արձակվեն: