Եվրամիության ընդհանուր գործերի խորհրդի տեղեկացմամբ, 2015 թվականի հունվարից Լիտվան կդառնա եվրոգոտու 19-րդ անդամը եւ կկարողանա անցնել եվրոյի: Որոշումն ընդունվել է Բրյուսելում կայացած նիստի ընթացքում: Այս մասին ասվում է խորհրդի կայքում հրապարակված համապատասխան փաստաթղթում:
Բացի այդ, խորհուրդն ընդունել է Լիտվայում եվրոյի ներդրման հետ կապված իրավական ակտեր եւ հաստատել եվրոյի եւ լիտի փոխարժեքը (1 եվրո - 3.4528 լիտ):
Հուլիսի 16-ին Եվրախորհրդարանը հավանություն էր տվել եվրոգոտուն Լիտվայի միանալուն: Ավելի վաղ որոշումը հավանության էին արժանացրել նաեւ Եվրահանձնաժողովն ու Եվրոպական կենտրոնական բանկը: