Իսրայելի վարչապետ Բինյամին Նեթանյահուն հայտարարել է, որ երկիրը Գազայի հատվածում երկարատեւ արշավի պետք է պատրաստվի: Նետանյախուի խոսքով՝ Իսրայելը չի կանգնելու, քանի դեռ չի հասել իր՝ Գազայի թունելները ոչնչացելու նպատակին:
Վերջին տվյալների համաձայն, հուլիսի 28-ին մահացել է պաշտպանության բանակի 5 զինվոր: Մեկ զինծառայող սպանվել է պաղեստինյան անկլավի հարավային հատվածում մարտի ժամանակ, եւս 4-ը զոհվել են Գազայի հատվածից արեւելք ընկած սահմանակից մասում ականանետային ռմբակոծության արդյունքում:
Բացի այդ, հուլիսի 29-ի գիշերը իսրայելական ռազմաօդային ուժերը հրթիռային հարված են հասցրել գազայի հատվածում ՀԱՄԱՍ իսլամական շարժման ղեկավարի, մերձծովյան անկլավի նախկին վարչապետ Ւսմայիլ Խանիի տան վրա:
Պաղեստինյան կառավարության նախկին ղեկավարի որդու խոսքով՝ հարձակման ժամանակը տունը դատարկ է եղել, ուստի դրա արդյունքում ոչ ոք չի տուժել, սակայն շենքը ամբողջապես ավերակ է դարձել:
Իսրայելի ռազմաօդային ուժերը եւ հրետանին հարվածներ են տեղացել Գազայի հատվածի տարածքում մի քանի թիրախներով, ինչի արդյունքում, պաղեստինցիների տվյալներով, առնվազն 40 մարդ է զոհվել: