Չինական Baidu ինտերնետ-որոնողական համակարգը սեփական ավտոմեքենայի վրա է աշխատում, գրում է The Financial Timesւ: Ինչպես հիշեցնում է թերթը, Baidu-ն նախկինում բազմաթիվ անգամներ ընդօրինակել է իր ամերկյան մրցակից Google-ին: Մասնավորապես, նա թողարկել է Street View-ի իր նմանօրինակը եւ պատրաստվում է Baidu Eye «խելացի» ժամացույցներ ստեղծել:
Չինական ընկերության նոր նախագիծը կապված է ավտոմեքենայի հետ: Baidu-ն պնդում է, որ մեքենան «առավելագույնս ինքնուրույն կլինի» սակայն ոչ անօդաչու, քանի որ մեքենան պետք է օգնի մարդկանց, այլ ոչ թե փոխարինի նրանց:
Հաղորդվում է նաեւ, որ մեքենան կզինեն «խելացի» վիրտուալ օգնականով:
Baidu-ի մշակման նախատիպը կներկայացվի կամ մինչեւ 2014թ. ավարտը, կամ արդեն 2015թ.:
Ավելի վաղ հաղորդվել էր, որ Baidu-ն Չինաստանում խոշորագույն եւ աշխարհում 5-րդ պորտալն է: 2013թ. ընկերության եկամուտը կազմել է 5,3 մլրդ դոլար, հաղորդում է gazeta.ru-ն:
