Իրանի հոգեւոր առաջնորդ Ալի Խեմենեին մուսուլմաններին հայտնի Իդ-ալ-Ֆիտր տոնի կապակցությամբ շնորհավորելու ժամանակ հայտարարել է «պաղեստինյան ժողովրդի մոբիլիզացիայի անհրաժշտության մասին»: Այդ մասին հաղորդում է «ԻՏԱՌ-ՏԱՍՍ»-ը՝ վկայակոչելով IRNA գործակալությանը:
Այաթոլլա Խամենեին ընդգծել է, որ ԱՄՆ նախագահ Բարաք Օբաման մեծ ջանքեր է գործադրել պաղեստինյան դիմադրության շարժման զինաթափման գործում:
«Հակառակ ամերիկյան վարչակազմի կողմից հնչող ՀԱՄԱՍ-ին եւ «Իսլամական ջիհադին» զինաթափելու հայտարարությունների, ամբողջ աշխարհը, հատկապես իսլամական աշխարհը, պետք է մոբիլիզացնեն պաղեստինյան ժողովրդին առավելագույնս հնարավոր աստիճանով», - ասել է հոգեւոր առաջնորդը այսօրվա տոնական քարոզի ժամանակ:
Իրանի հոգեւոր առաջնորդը Իսրայելի գործողությունները որակել է որպես «ցեղասպանություն եւ մեծ պատմական աղետ»: Նրա կարծիքով, բոլոր մեղավորները եւ նրանց խրախուսողները պետք է դատապարվեն ու պատժվեն որտեղ էլ որ լինեն:
«Նրանք պետք է պատիժը կրեն եւ իրենց իշխանության օրոք, եւ դրանից զրկվելուց հետո», - ընդգծել է Խամենեին:
