Paramount Pictures կինոստուդիան ներողություն է խնդրել նինձյա-կրիաների պատկերով պաստառի համար, որոնք ցատկում են այրվող երկնաքերից: Պաստառի վրա գրված է եղել ժապավենի թողարկման ամսաթիվը՝ սեպտեմբերի 11:
Կինոընկերության ավստրալական մասնաճյուղը պաստառի լուսանկարը հրապարակել է Twitter-ում եւ Facebook-ի պաշտոնական էջում, այնուհետեւ ջնջել է այն:
Հրապարակումը բլոգերների վրդովմունքի պատճառ է դարձել՝ 2001 թվականի սեպտեմբերին Նյու Յորքում տեղի ունեցած ահաբեկչության պատճառով:
«Մենք ներողություն ենք խնդրում: Ոչ մի կերպ չենք ցանկացել վիրավորել ոչ ոքի զգացմունքները: Այդ ամսաթվի հետ նման պատկերի օգտագործումը սխալ էր»,- կինոստուդիայի հայտարարությունն է մեջբերում BBC-ի ռուսական ծառայությունը:
«Նինձյա-կրիաները» ֆիլմն Ավստրալիայում մեծ էկրան է բարձրանալու 2001 թվականի սեպտեմբերի 11-ի ողբերգական իրադարձությունների տարելիցի օրը: Հիշեցնենք, որ ահաբեկչության հետեւանքով շուրջ 3 հազար մարդ էր զոհվել:
