Ամերիկյան Մասաչուսեթս նահանգի Վինչեսթր քաղաքում հուլիսին փաստագրական նոր ֆիլմ է թողարկվել՝ «Հայաստան. հին ազգը վտանգված է, որի պրոդյուսերն է Եվա Մեձորյանը: Ինչպես գրում է «Asbarez»-ը, փաստագրական այս ֆիլմը պատմում է վտանգի սրման մասին, որի հետ բախվում են Հայաստանի Տաշվուշի մարզի Շամշադինի շրջանի՝ Ադրբեջանին սահմանակից հյուսիսարեւելյան գյուղերի բնակիչները:
Ներկայացնելով առաջին ձեռքից փաստագրական տեսանյութերն ու վերջին 2000 տարվա Հայաստանի կրճատ պատմությունը՝ Եվա Մեձորյանը պատմում է հայերի մասին՝ հնագույն ազգ, հարուստ քրիստոնեական ժառանգությամբ, որը մշտապես հետապնդվել է հարեւանների կողմից, սակայն իր ժողովրդի ամուր կամքի շնորհիվ դարեր շարունակ գոյատեւել է: Այժմ այն բախվում է ոչնչացման եւս մեկ վտանգի, այս անգամ պատերազմող հարեւան Ադրբեջանի կողմից՝ նրա դաշնակից Թուրքիայի խրախուսմամբ ու հովանավորությամբ:
