Արեւմուտքը Ռուսաստանին ոչինչ չի առաջարկում ուկրաինական ճգնաժամի կարգավորման համար: Արեւմուտքի կողմից ոչ մի լուրջ առաջարկություն չի եղել, հիմա, հնարավոր է, փորձ է արվում հանդես գալ նման առաջարկություններով: Այս մասին NEWS.am-ի թղթակցի հետ զրույցում հայտարարեց ռուսաստանցի քաղաքագետ Միխայիլ Ալեքսանդրովը՝ մեկնաբանելով լրատվամիջոցներում տարածված տեղեկությունը, թե Գերմանիան եւ Ռուսաստանն աշխատում են խաղաղ կարգավորման գաղտնի ծրագրի ուղղությամբ, որը պետք է վերջ դնի Ուկրաինայի շուրջ լարվածությանը:
Քաղաքագետի խոսքով, նման աշխատանք իսկապես տարվում է, եւ ոչ միայն Ռուսաստանի եւ Գերմանիայի, այլեւ Ռուսաստանի ու եվրոպական այլ երկրների միջեւ: Նա ընդգծել է, որ Ռուսաստանից Եվրոպա գազի մատակարարման մակարդակը բավարար չէ, եւ քննարկումներ են ընթանում, թե ով պետք է վճարի գազի լրացուցիչ արդյունահանման համար:
«Ի՞նչ է առաջարկում Արեւմուտքը: Հասկանալի չէ: Ռուսաստանն Ուկրաինային առաջարկել է ֆեդերալիզացիա եւ չեզոքություն. այդ նրան պետք է բավարարեր»,- հավելեց Միխայիլ Ալեքսանդրովը: