Հայ զբոսաշրջիկները Վրաստանը Հայաստանից չեն գերադասում, օգոստոսի 13-ի մամուլի ասուլիսում հայտարարել է ՀՀ էկոնոմիկայի նախարարության զբոսաշրջության եւ տնտեսական զարգացման վարչության պետ Մեխակ Ապրեսյանը: Նա նշել է, որ ծով մեկնել ցանկացող հայաստանցի զբոսաշրջիկների զգալի մասը ընտրում են Վրաստանը, քանի որ հանգիստն այնտեղ համեմատաբար էժան է, իսկ սեւծովյան կուրորտները՝ համեմատաբար մոտ:
«Այնուամենայնիվ, գնում են նաեւ այլ ափեր, այդ թվում՝ էկզոտիկ, օրինակ՝ Խաղաղ օվկիանոսի կղզիներ», - նշել է Ապրեսյանը:
Միաժամանակ, հավելել է նա, սխալ է այն կարծիքը, թե առաջին հերթին ցանկանում են Վրաստան մեկնել, իսկ տանը հանգստանում են միայն այն դեպքում, երբ չի հաջողվում արտասահման մեկնել: «Հայկական զբոսաշրջային երթուղիները՝ ինչպես ավանդական, այնպես էլ նոր, շարունակում են արժանի ժողովրդականություն վայելել»,- հավելել է նա: