Մոսկվայում Թուրքիայի դեսպանատան ուղղությամբ օգոստոսի 18-ի գիշերը կրակած 43-ամյա Արթուր Միրզոյանը ՌԴ քաղաքացի է, բնակվել է Տուլայի մարզում:
Ինչպես NEWS.am-ին հայտնեցին Ռուսաստանի ՀՀ դեսպանատան մամուլի ծառայությունից, Արթուր Միրզոյանը ոչ թե կրակել է Թուրքիայի դրոշի կամ զինանշանի ուղղությամբ, այլ ցուցանակի, որի վրա գրված է Թուրքիայի դեսպանատուն:
«Այս պահին Արթուր Միրզոյանը գտնվում է ոստիկանության բաժանմունքում, նրան ձերբակալել են 2 օրով: Իրավապահ մարմինները ճշտում են շարժառիթները, որը սակայն Արթուր Միրզոյանը դեռ չի հայտնում»,- ասացին մամուլի ծառայությունից:
Նշենք, որ Արթուր Միրզոյանը «Դոբրի լես» ԲԲԸ-ի գլխավոր տնօրենն է:
Ավելի վաղ «Մոսկովսկի Կոմսոմոլեց» պարբերականը հաղորդել էր, որ օգոստոսի 18-ի գիշերը, 43-ամյա Արթուր Միրզոյանը վերցրել է որսորդական հրացանը եւ երկու անգամ Թուրքիայի Հանրապետության զինանշանի ուղղությամբ: ժամեր անց Արթուր Միրզոյանին ձերբակալել են: Նրա նկատմամբ քրգործ է հարուցվել:
