Իրաքի զինվորները առավոտյան սկսել են Իրաքի հյուսիսի խոշոր Տիկրիտ քաղաքը «Իսլամական պետության» գրոհայիններից ազատագրելու գործողությունը:
Հարձակումը տեղի է ունենում երեք ուղղությամբ՝ հարավից, հարավ-արեւմուտքից եւ արեւմուտքից, հայտնում է «Ռոսբալտը»՝ վկայակոչելով Sky News Arabia հեռուստաալիքը: Ցամաքային ուժերին աջակցում է Իրաքի ռազմական ավիացիան: Միեւնույն ժամանակ Իրաքի բանակի առաջխաղացմանը խանգարում են քաղաքի ականապատված մատույցները, ինչպես նաեւ աշխատող դիպուկահարները:
Հունիսի 12-ից Տիկրիտ քաղաքը գտնվում է ԻՊ-ի գրոհայինների ձեռքում: Զինվորականները բազմիցս ջանքեր են գործադրել՝ ռազմավարական կարեւոր նշանակություն ունեցող այդ բնակավայրն ազատագրելու համար: