Հայուհին դատապարտվել է 8 տարվա ազատազրկման առողջապահության համակարգում 20 մլն դոլար գումարի չափով մեքենայություններ իրականցնելու համար, որով նա զբաղվել է քալիֆորնիական Գլենդել քաղաքում: Նա պետք է նաեւ ավելի քան 9 մլն դոլար փոխհատուցում վճարի «Medicare» եւ «Medi-Cal» համակարգերին:
Ինչպես գրում է «Glendale News-Press» թերթը, ԱՄՆ շրջանային դատարարանը 33-ամյա Լիաննա Հովսեփյանին դատապարտել է այն բանից հետո, երբ վերջինս իրեն մեղավոր է ճանաչել հանցագործության մեջ: Սա իր տեսակով պետական առողջապահական ծրագրերից ապօրինի գումար ստանալու նպատակով առաջին խարդախ սխեման է:
Անցած տարվա նոյեմբերին Հովսեփյանն իրեն մեղավոր է ճանաչել այն բանում, որ խարդախ ձեւով թանկ հակապսիխոտիկ դեղորայք է դուրս գրել եւ դրանք վերավաճառել սեւ շուկայում, որի հետեւանքով պետությունը կրկնակի է վճարել այդ դեղամիջոցների համար: Լինելով «Manor Medical Imaging»-ի սեփականատերն ու մենեջերը, նա հիվանդներին հազարավոր կեղծ եւ թանկ դեղատոմս են դուրս գրել, ովքեր ամենեւին այդ դեղերի կարիքը չեն ունեցել:
Շահախարդախությունը շարունակվել է 2009թ. սեպտեմբերից մինչեւ 2011թ. հոկտեմբերի 27-ը: Այդ ընթացքում «Medi-Cal» եւ «Medicare» համակարգերը ավելի քան 20 մլն դոլարի հարցում են ստացել եւ փաստացիորեն դեղատներին են վճարել 9,1 մլն դոլար ավելի քան 14 հարցումների հիման վրա:
16 մեղադրյալներ, որոնցից շատերը Հովսեփյանի հարազատներն են, նույնպես մասնակցել են այդ խարդախությանը եւ դատապարտվել:
