Գազայի հատվածում իշխող «ՀԱՄԱՍ» խմբավորման զինյալները մահապատժի են ենթարկել Իսրայելի հետ համագործակցության մեջ մեղադրվող 18 պաղեստինցիների:
«Ալ-Քուդս» ռադիոկայանի հաղորդմամբ, մահապատիժը իրականացվել է այն բանից հետո, երբ այս շաբաթ իսրայելական զորքերը «կետային» հարվածով օդից ոչնչացրել են «ՀԱՄԱՍ»-ի բարձրագույն հրամանատարական կազմի 3 ներկայացուցիչներին եւ մահափորձ կատարել շարժման ռազմական թեւի առաջնորդ Մայամեդ Դեյֆի վրա:
Դատավճիռը իրականացվել է երկու փուլով: Առավոտյան «Ալ-Ազհար» համալսարանի այգում մահապատժի են ենթարկել 11-ին: Իսկ 7 պաղեստինցու հրապարակային գնդակահարել են Գազայի կենտրոնում «Ալ Օմարի» մզկիթի ուրբաթօրյա աղոթքից հետո:
