Վրացական ավտոբուսները, որոնք հայ զբոսաշրջիկներին տեղափոխում են Սեւ ծով, պետք է որակյալ լինեն, օգոստոսի 23-ին լրագրողներին հայտնել է «Էություն» հոգեբանական տեխնոլոգիաների կենտրոնի հիմնադիր նախագահ, հոգեբան Լիլիթ Ադիբեկյանը:
Ըստ նրա՝ վերջերս ինքը հանդիպել է ՀՀ տրանսպորտի նախարարության աշխատակից Դավիթ Մկրտչյանի հետ, ով խոստացել է հարցը ներկայացնել վրացի գործըննկերներին:
Հաճախորդների հանդեպ զբոսաշրջային օպերատորների անփութությունը սեփական մաշկի վրա է զգացել: Օպերատորը, ում նա դիմել է, նրան նկարագրել է ավտոբուսը, որով պետք է Երեւանից հանգստի մեկներ: Սակայն ավտոկայանում նրան այլ ավտոբուս էր սպասել, որի նստատեղերի տակից ընթացքի ժամանակ թակոց էր լսվում: Ի հավելումն այս ամենի՝ հետդարձի ճանապարհին վարորդը ննջում էր ղեկի մոտ: «Խոսում էր միայն վրացերեն, եւ չէինք կարողանում նրան բացատրել՝ ինչն է մեզ անհանգստացնում եւ ընդհանրապես, ինչ-որ կերպ հաղորդակցվել», - հավելել է նա:
Ըստ նրա՝ անհրաժեշտ է, որ զբոսաշրջիկը չամաչի հանգստի մեկնելիս որակ պահանջել՝ լինի Վրաստանում, , թե այլ տեղում: Չէ՞ որ օպերատորի առաջ իր պարտավորությունը նա կատարում է տոմսի դիմաց վճարելով: