Շվեյցարիան այսօր՝ օգոստոսի 27-ին, խստացրել է Ռուսաստանի նկատմամբ պատժամիջոցները՝ կապված Ուկրաինայի իրավիճակի հետ: Մասնավորապես, այդ երկրի իշխանությունները եւս 11 անձանց եւ 5 բանկերի անուններ են ներառել այն ցանկում, որոնց հետ բիզնես գործունեության սահմանափակումներ են կիրառվում, հաղորդում է Շվեյցարիայի դաշնային խորհրդի կայքը:
Այդ 5 բանկերի անունները դեռ չեն հստակեցվում: Միաժամանակ, Եվրամիությունը հուլիսի վերջին որոշել է պատժամիջոցներ կիրառել ռուսական 5 ֆինանսական կազմակերպությունների նկատմամբ, որոնք են «Սբերբանկը», ՎՏԲ-ն, «Գազպրոմբանկը», «Ռոսսելխոզբանկը» եւ «Վնեշէկոնոմբանկը»: Այս բանկերի մուտքը ԵՄ կապիտալի շուկա սահմանափակված է:
Բացի այդ, Շվեյցարիան արգելք է դրել Ռուսաստանի ռազմական նշանակության նյութերի ներմուծման վրա: Սահմանափակումներ կան նաեւ նավթային արդյունաբերության սարքավորումների արտահանման վրա: