Ուկրաինայի արեւելքում ռուսամետ ակտիվիստների հրամանատարությունն աջակցել է ՌԴ նախագահ Վլադիմիր Պուտինի կոչին` շրջափակված ուկրաինացի զինվորականների համար հումանիտար միջանցք ստեղծելու վերաբերյալ, պայմանով, որ վերջիններս հանձնեն իրենց զենքը, հայտնում է «ՌԻԱ Նովոստին»` վկայակոչելով «հարավ-արեւելքի բանակի» մամուլի կենտրոնը:
«Մենք աջակցում ենք ՌԴ նախագահ Վլադիմիր Պուտինի նախաձեռնությունը հումանիտար միջանցք ստեղծելու վերաբերյալ` Ուկրաինայի շրջափակված զինված ուժերը դուրս բերելու համար: Մենք պատրաստ ենք ապահովել զինվորականների դուրսբերման անվտանգությունը մի պայմանով` նրանք պետք է ստեղծված միջանցքով անզեն դուրս գան», — ասվում է հայտարարությունում` վկայակոչելով «հարավ-արեւելքի բանակի» հրամանատարությանը:
Ավելի վաղ Պուտինը դիմել էր ակտվիստներին` կոչ անելով հումանիտար միջանցք բացել շրջապատման մեջ հայտնված ուկրաինացի զինվորականների համար, որպեսզի «խուսափեն անիմաստ զոհերից»: Նախագահը նաեւ ընդգծել է, որ Ռուսասանը պատրաստ է եւ հումանիտար օգնություն կցուցաբերի Դոնբասի բնակչությանը, որը տառապում է հումանիտար աղետից:
Ավելի վաղ հաղորդվել էր, որ Իլովայսկի շրջանում շրջափակման մեջ են հայտնվել Ուկրաինայի ջոկատները, նրանք սպասվող աջակցություն չեն ստացել: Այդ բնակավայրի համար արդեն մեկ շաբաթից ավելի է դաժան մարտեր են ընթանում զինվորականների եւ ապստամբների միջեւ:
