Հայ-ադրբեջանական սահմանին իրավիճակն ավելի հանգիստ է դարձել: Այս մասին այսօր՝ սեպտեմբերի 12-ին, լրագրողների հետ զրույցում նշել է Հայաստանի պաշտպանության նախարար Սեյրան Օհանյանը՝ պատասխանելով հարցին, թե ինչպիսին է իրավիճակը սահմանին՝ ամռան ամիսների լարվածությունից հետո:
Նախարարի խոսքով՝ պատասխան եւ կանխարգելիչ քայլերի, ինչպես նաեւ հակառակորդի զսպման մեխանիզմների ստեղծման արդյունքում սահմանին եւ ղարաբաղա-ադրբեջանական շփման գծում ավելի հանգիստ է դարձել:
Սեյրան Օհանյանը նշել է, որ կրակոցներ լինում են, բայց ավելի քիչ. «Հայաստանի սահմանին կրակոցների թիվը համարյա նվազագույնի է հասցվել, մի քանի կրակոց օրվա ընթացքում: ԼՂՀ-ի եւ Ադրբեջանի Զինվածու ուժերի շփման գծում օրական հնչում է մոտ 30-40 կրակոց»:
