Ռուսաստանը «մոտ սպառնալիք» չէ ՆԱՏՕ-ի համար: Նման տեսակետ է հայտնել ՆԱՏՕ-ի գլխավոր քատուղար Անդերս Ֆոգ Ռասմուսենը:
«Ես չեմ կարծում, որ Ռուսաստանը մոտ սպառնալիք է ՆԱՏՕ-ի դաշնակիցների համար: Ռուսաստանը գիտի, որ մենք ունենք 5-րդ հոդված, որը պաշտպանում է դաշնակիցներին հարձակումներից, ուստի չեմ կարծում, որ Ռուսաստանը մոտ սպառնալիք է»,-ասել էՌասմուսենը, ելույթ ունենալով Բրյուսելու, հաղորդում է «ՌԻԱ Նովոստին»:
Նա նաեւ հայտարարել է, որ միջազգային հանրությանը չպետք է թույլ տա Ուկրաինայի արեւելքում «սառեցված հակամարտություն» ստեղծել, իսկ Ռուսաստանն, ըստ Ռասմուսենի, շահագրգռված է դեպքերի նման զարգացմամբ:
«Ռուսաստան շահերից է բխում երկարատեւ սառեցված հակամարտություն պահպանել Մերձդնեստրում, Հարավային Օսիայում, իսկ հիմա՝ Ուկրաինայի արեւելքում»,-ընդգծել է ՆԱՏՕ-ի գլխավոր քարտուղարը: