Բասկերի Երկրի Բիլբաո քաղաքում` կառավարող Բասկերի ազգայնական կուսակցության (ԲԱԿ) կենտրոնակայանում, Լեռնային Ղարաբաղի Հանրապետության արտաքին գործերի նախարար Կարեն Միրզոյանը սեպտեմբերի 15-ին հանդիպել է Իսպանիայի խորհրդարանի անդամ, խորհրդարանում ԲԱԿ խմբակցության ղեկավար Այտոր Էստեբան Բրավոյի, կուսակցության արտաքին հարաբերությունների հարցերով պատասխանատու Ինյակի Գոյկոեչետա Գոնսալեսի հետ։
Կողմերն անդրադարձել են նախօրեին Բասկերի երկրի խորհրդարանի կողմից ընդունված բանաձեւին` ի սատարումն Լեռնային Ղարաբաղի ինքնորոշման իրավունքի, եւ ընդգծել, որ այն կարեւոր հիմք կհանդիսանա երկկողմ հարաբերությունների ընդլայնման համար։
Հանդիպման ընթացքում քննարկվել են Բասկերի Երկրի եւ Լեռնային Ղարաբաղի Հանրապետության միջեւ հարաբերությունների ընդլայմանը վերաբերող մի շարք գործնական հարցեր։ Երկուստեք ընդգծվել է նաեւ կուսակցությունների մակարդակով երկկողմ շփումների հաստատման կարեւորությունը։