Աֆղանստանի նախագահ կդառնա երկրի ֆինանսների նախկին նախարար Աշրաֆ Ղանի Ահմաձայը: Այս մասին գրում է Reuters գործակալությունը:
2014 թվականի հուլիսին Աֆղանստանում հայտարարվեցին նախագահի ընտրությունների երկրորդ փուլի նախնական արդյունքները, որոնց համաձայն՝ հաղթել էր Աշրաֆ Ղանի Ահմաձայը: Ավելի ուշ այդ պաշտոնի երկրորդ թեկնածու Աբդուլլա Աբդուլլան հայտարարել էր զանգվածային ընտրակեղծիքների մասին եւ ձայների վերահաշվարկ պահանջել:
Ըստ Gazeta.ru-ի, սեպտեմբերի 21-ին, սակայն, Աբդուլլա Աբդուլլան եւ Աշրաֆ Ղանի Ահմաձայը համաձայնագիր են ստորագրել Աֆղանստանի ազգային միասնական կառավարություն ձեւավորելու մասին: Փաստաթուղթը նախատեսում է, որ Ղանին զբաղեցնելու է նախագահի պաշտոնը, իսկ Աբդուլլան հատուկ պաշտոն է ստանալու, որը նրան թույլ կտա համակարգել նախարարների կաբինետի աշխատանքը: