Սեպտեմբերի 21-ի երեկոյան Չինաստանի Սինցզյան-Ույգուրի ինքնավար մարզում երեք պայթյուն է տեղի ունեցել. դրանք գրեթե միաժամանակ են որոտացել Լունտայի փոքր բնակավայրերում:
Պայթյունների հետեւանքով զոհվել է երկու մարդ, եւս մի քանիսը տուժել են, փոխանցում է Agence France-Presse-ը: Վիրավորները, որոնց հստակ թիվը դեռ չի նշվում, տեղափոխվել են հիվանդանոց: Պարզվում են կատարվածի պատճառները , փոխանցում է KP.ru-ն:
Նշենք, որ վերջին կես տարում Չինաստանում մի քանի խոշոր ահաբեկչություն է տեղի ունեցել: Այսպես, մայիսին Ուրումչի քաղաքի երկաթուղում տեղի ունեցած պայթյունի հետեւանքով զոհվել էր երեք մարդ, 79-ը վիրավորվել էին: Այն ժամանակ դանակներով զինված ահաբեկիչները հարձակվել էին մարդկանց վրա եւ պայթուցիկ գործի դրել կայարանից դուրս գալու եւ ավտոբուսի կանգառի միջեւ: