Ազգային ժողովի ԲՀԿ խմբակցության պատգամավոր Միքայել Մելքումյանը չբացառեց, որ հոկտեմբերի 10-ին կայանալիք համատեղ հանրահավաքի ժամանակ անդրադարձ կլինի նաեւ Հայաստանի` Եվրասիական տնտեսական միությանն անդամագրվելուն: Այսօր` սեպտեմբերի 23-ին, լրագրողների հետ զրույցում ԲՀԿ-ական պատգամավորն ընդգծեց, որ պարզ չէ, թե ով իր ելույթում ինչ հարցի կանդրադառնա:
«Հանրահավաքում քննարկվելու են բազմաթիվ հարցեր, եւ տասներկու կետերը, որտեղ ուղղակի եւ անուղղակի այս հարցը շոշափվել է, եւ Սահմանադրական բարեփոխումները: Չեմ կարող ասել, թե ելույթ ունեցողներն ինչ հարցերի կանդրադառնան իրենց խոսքում»,- ասաց նա:
Այնուամենայնիվ, պատգամավորի կարծիքով` քառյակի պահանջած 12 կետերից շատ քիչ բան է արվել:
Նշենք, որ ԱԺ ոչ իշխանական երեք ուժերը` ԲՀԿ-ն, ՀԱԿ-ն ու «Ժառանգությունը» հոկտեմբերի 10-ին Ազատության հրապարակում նախատեսում համատեղ հանրահավաք, որի ժամանակ խոսվելու է 12 պահանջների եւ Սահմանադրական բարեփոխումների մասին: Հանրահավաքին չի մասնակցելու ՀՅԴ-ն, քանի որ դեմ է Սահմանադրական բարեփոխումներին անդրադառնալուն:
