Ծանրակշիռ պատճառներ կան Ռուսաստանի հետ Եվրամիության էներգետիկ համագործակցությունը պահպանելու համար: Այս մասին սեպտեմբերի 29-ին հայտարարել է Գերմանիայի կանցլեր Անգելա Մերկելը՝ միաժամանակ զգուշացնելով, որ կարող է այդ համագործությունը վերանայելու անհրաժեշտություն առաջանալ:
Ըստ The Wall Street Journal-ի, նա նշել է, որ Եվրոպան եւ Գերմանիան պետք է նվազեցնեն ռուսական գազից կախվածությունը: Կանցլերի խոսքով, միայն Գերմանիան իր գազային մատակարարումների մեկ երրորդը (38%) ստանում է Ռուսաստանից:
«Որոշ երկրներ ռուսական գազից կախված են նույնիսկ 100%-ով: Մեզ հարկավոր է վերանայել մեր էներգետիկ քաղաքականությունը կարճաժամկետ եւ երկարաժամկետ հեռանկարում, եթե Ուկրաինայում մարդու հիմնարար իրավունքների խախտումները շարունակվեն»,- ընդգծել է Անգելա Մերկելը:
