Արամ Մանուկյանը «Բարգավաճ Հայաստան» կուսակցության անդամ չէ, որ արժանանա քննադատության։ Այդ մասին լրագրողների հետ զրույցում ասաց «Բարգավաճ Հայաստան» խմբակցության պատգամավոր Ստեփան Մարգարյանը՝ պատասխանելով դիտարկմանը, թե ՀԱԿ խմբակցության քարտուղար Արամ Մանուկյանը չի մասնակցում մարզային հանդիպումներին երկրի նախագահի հասցեին հնչեցրած ոչ պատշաճ արտահայտություն անելուց հետո, քանի որ արժանացել է ԲՀԿ-ականների քննադատությանը։
«ԲՀԿ-ից եղել են կարծիքներ... Ճիշտն ասած այնքան էլ հաճելի բան չասաց նա։ Ես չեմ կարծում, որ Արամը... ուղղակի ստացվեց այդպես։ Ինքն այդպիսին չէ որպես անձնավորություն։ Բայց ԲՀԿ-ն չի քննադատել, որ Արամն էլ չգա հանդիպումներին»,- ասաց Ս. Մարգարյանը։
Ըստ պատգամավորի, յուրաքանչյուր քաղաքական ուժ ինքն է որոշում, թե ով է մասնակցելու մարզային հանդիպումներին, չկա կենտրոնացված որոշող մարմին, թե որ հանրահավաքում, ով ինչ կխոսի. «Այնպես որ Արամի չգալը որեւէ կապ չունի ձեր ասածի հետ»։
