Քալիֆոռնիայի համալսարանում մտադիր են սեռի հարցում չկողմնորոշված ուսանողների համար «չեզոք սեռի» զուգարաններ սարքել, հայտնում է Reuters-ը:
Այսկերպ, համալսարանը ԱՄՆ-ի կրթական հաստատությունների շարքում առաջինը կդառնա, որտեղ կկիրառվի նման պրակտիկա:
Համալսարանի նախագահ Ջանեթ Նապոլիտանոյի գրասենյակից հայտնել են, որ այս քայլի նպատակը ոչ ավանդական կողմնորոշմամբ ուսանողների համար բարենպաստ պայմաններ ստեղծելն է: Զուգարանները կկահավորվեն այնպես, որ բացառեն սեռական պատկանելության որեւէ նշան:
Համանման միջոցներ արդեն կիրառվել էին նահանգի մանկապարտեզներում եւ դպրոցներում՝ այն բանից հետո, երբ 2013թ. Քալիֆոռնիայի օրենսդիր ժողովը օրենք էր ընդունել, ըստ որի՝ սովորողներին պետք է հնարավորություն տրվեր որոշելու՝ որ զուգարանից են ցանկանում օգտվել:
