ՆԱՏՕ-ի Արձագանքման ուժերի առաջավոր խմբի չափն ու կազմը կհամաձայնեցվի փետրվարին, հայտնում է «ՌԻԱ Նովոստին»՝ վկայակոչելով ՆԱՏՕ-ի նորանշանակ գլխավոր քարտուղար Յենս Սթոլթենբերգին:
Հիշեցնենք, որ ՆԱՏՕ-ի գլխավոր քարտուղարի պաշտոնը այսօրվանից՝ հոկտեմբերի 1-ից, զբաղեցրել է Նորվեգիայի նախկին վարչապետ Յենս Սթոլթենբերգը: Վերջինս առաջին նորվեգացին է այդ պաշտոնում: Նա հանդես է գալիս որպես սոցիալական պետության կողմնակից եւ երկար տարիներ գլխավորել է Նորվեգիայի աշխատանքային կուսակցությունը: Նա իր կարիերան սկսել է որպես նորվեգական ազդեցիկ թերթի լրագրող:
