Գործարանի առաջին ապրանքը դարձել է նռան օշարակը: Հաջորդ տարի ֆերմերներից սկսել են թութ մթերել եւ դոշաբ արտադրել: Իսկ 2013թ.-ին ընկերությունը գործընկեր ձեռք բերեց Ռուսաստանում…
Բաքվից փախստական Էրիկ Մկրդումյանը Ստեփանակերտում պահածոների գործարան է հիմնել, արտահանում կազմակերպել դեպի Ռուսաստան: Ինչպես NEWS.am-ի թղթակցին հայտնեց ինքը Մկրդումյանը, երեք տարվա ընթացքում «Արցախ Բերրի» ՍՊԸ-ի աշխատակիցների թիվը հաջողվել է հասցնել 27-ի:
Գործարանի առաջին ապրանքը դարձել է նռան օշարակը: Հաջորդ տարի ֆերմերներից սկսել են թութ մթերել եւ դոշաբ արտադրել: Իսկ 2013թ.-ին ընկերությունը գործընկեր ձեռք բերեց Ռուսաստանում, որտեղ եփած լոլիկի պահանջարկ կա: «Այսպես աստիճանաբար նոր սարքավորումներ ենք տեղադրում, մարդկանց հավաքում»,- ասաց Մկրդումյանը:
Ընկերությունը ոչ միայն մրգեր ու բանջարեղեն է պատրաստում, այլ նաեւ վայրի հատապտուղներ՝ սեւ մոշ եւ վարի գետնամորի, ինչպես նաեւ մամխենու պտուղներ, որից կոմպոտ են պատրստում: «Այն հեշտ է հավաքել, ուստի ֆերմերներն այն մեծ քանակությամբ են արտադրում, ինչպես եւ մասուրը»,- նշել է Մկրդումյանը:
Նրա խոսքով՝ ընկերությունն արդեն հումք է ընդունում մի քանի հարյուր ֆերմերներից Ղարաբաղի տարբեր շրջաններից: «Մթերում ենք մայիսից մինչեւ նոյեմբերի վերջ: Օրինակ, դեռ հիմա մթերում ենք ուշ հասունացող սմբուկներ: Աշխատում ենք հնարավորության սահմաններում ոչ ոքի չմերժել: Ունենք չրերի փոքր արտադրություն: Ինչը չի հաջողվում պահածոյացնել, չորացնում ենք»,- նշեց Մկրդումյանը: