Ճապոնիայի էկոնոմիկայի եւ առեւտրի նախարար Յուկո Օբուտին լքել է պաշտոնը նախընտրական քարոզարշավի ժամանակ իր քաղաքական հիմնադրամների անդամների կողմից դրամական միջոցները վատնելու սկանդալի պատճառով, հայտնում է «Ռոսիյսկայա գազետան»՝ վկայակոչելով տեղի մամուլը:
«Քաղաքագետները վստահ են, որ Յուկո Օբուտիի հետ կապված սկանդալից անխուսափելիորեն կտուժի նաեւ վարչապետ Սինձո Աբեի հեղինակությունը»,- ասված է թերթի հաղորդագրությունում:
Օբուտին Ճապոնիայի էկոնոմիկայի նախարարի պաշտոնը զբաղեցրել է 2014 թ. սեպտեմբերին, երբ Սինձո Աբեն համալրել է կառավարության անձնակազմը: 40-ամյա Օբուտին դարձել էր Ճապոնիայի պատմության առաջին կինը, որը գլխավորել էր էկոնոմիկայի նաարարությունը: Նա մեծ ճանաչոմ է վայելել Ճապոնիայի բնակչության շրջանում: Շատերն ապագայում նրա համար կանխատեսում էին վարչապետի պաշտոն:
Թերթը հայտնում է, որ ճապոնական մամուլի մեկնաբանություններում նշվում է, որ հրաժարականի սպառնալիք է կախված նաեւ Ճապոնիայի արդարադատության նախարար Միդորի Մացուսիմայի գլխին: Նրան մեղադրում են, որ նախընտրական քարոզարշավի ընթացքում նա իր պատկերով հովհարներ է բաժանել, որը նույնպես կարող է ընտրազանգվածի կաշառք համարվել: