Եվրամիության խորհրդարանականները հարգանքով են վերաբերվում ԵՏՄ-ին միանալու Հայաստանի որոշմանը: Այս մասին, այսօր՝ հոկտեմբերի 20-ին, Հայաստանի խորհրդարանում հայտարարել է ԱԺ փոխնախագահ Էդուարդ Շարմազանովը՝ մեկնաբանելով Հայաստանի պատվիրակության մասնակցությունը Ժնեւում հոկտեմբերի 12-17-ին կայացած Միջխորհրդարանական իության նիստին:
Այդ այցի ժամանակ Հայաստանի պատվիրակությունը (Էդուարդ Շարմազանով, Հերմինե Նաղդալյան, Կարինե Աճեմյան) հանդիպել են Գերմանիայի Բունդեսթագի նախագահ Նորբերթ Լամերթի, ինչպես նաեւ Շվեյցարիայի խորհրդարանի փոխնախագահի, Հունաստանի, Էստոնիայի պատվիրակությունների, Կիպրոսի խորհդարանի նախկին փոխնախագահ Մարիս Գարոյանի հետ:
«Մեր գործընկերները հարգանքով են վերաբերվում Հայաստանի Հանրապետության որոշմանը եւ հարաբերությունների զարգացման հնարավորություն են տեսնում: Մենք նշեցինք, որ Հայաստանը պատրաստ է շարունակել քաղաքական երկխոսությունը բոլոր հնարավոր ուղղություններով»,-ասել է Շարմազանովը:
Հիշեցնենք, որ ԵՏՄ-ին միանալու պայմանագիրը Հայաստանը ստորագրել է Բարձրագույն եվրասիական տնտեսական խորհրդի նիստում, որը կայացել է հոկտեմբերի 10-ին, Մինսկում: