Հայոց ցեղասպանության հարցը չկա մարդու իրավունքների հարցերով զբաղվող միջազգային կազմակերպությունների օրակարգում: Այդ հարցը կդիտվի որպես քաղաքական խնդիր: Այս մասին հոկտեմբերի 21-ին ՄԱԿ-ի Հայկական ասոցիացիայի «2015թ. հետո զարգացման օրակարգի» նախագիծը ներկայացնելիս հայտարարել է «Քաղաքացիական հասարակության ինստիտուտ» ՀԿ-ի նախագահ Արտակ Կիրակոսյանը:
Ըստ նրա՝ շատ քիչ բան է արվում հակամարտությունների կանխարգելման ոլորտում:
Նա նաեւ հավելել է, որ իրենց կազմակերպությունը հասել է նրան, որ թուրքական իրավապաշտպանական ՀԿ-ի հետ երկու կետից բաղկացած հռչակագիր է ընդունվել.
1-ին՝ ճանաչել Հայոց ցեղասպանությունը, 2-րդ՝ առանց նախապայմանների բացել հայ-թուրքական սահմանը:
Ինստիտուտի գործունեության մյուս ուղղությունը, շարունակել է Արտակ Կիրակոսյանը, այն է, որ ուշադրություն դարձվի միջազգային քրեական դատարանին:
Եվս մեկ կարեւոր խնդիր է այսօրվա պայմաններում ներքաղաքական երկխոսության ստեղծումը, երբ Հայաստանում չկա երկխոսության մեխանիզմ եւ իշխանությունների հետ երկխոսության միակ միջոցը փողոցները փակելն է»,- նշել է Արտակ Կիրակոսյանը:
Մյուս ուղղվածությունը հայ-ադրբեջանական հարաբերություններն են, մասնավորապես՝ խաղաղ բնակչության հանդեպ բռնությունները:
