«Իսլամական պետության» գրոհայինները կատարում են Արեւմուտքի հրահանգները եւ նպատակադրված սպանում մահմեդականներին, հայտարարել է Չեչնիայի նախագահ Ռամզան Քադիրովը, գրում է ՏԱՍՍ-ը:
«Ես կխնդրեի, որպեսզի նրանց իսլամական պետություն չանվանեն: Նրանք շայթան են, որոնց նպատակն է շատ փող վաստակել: Նրանք կատարում են Արեւմուտքի հրահանգները եւ նպատակադրված սպանում մահմեդականներին», - Քադիրովի խոսքերն է մեջբերում գործակալությունը:
«Նրանց օգնել եւ օգնում են արեւմտյան հատուկ ծառայությունները: Նրանք մատակարարում են անհրաժեշտ ամեն ինչ: Որտեղի՞ց այդ հանցագործներին օդանավեր, տասնյակ հազարավոր մարդկանց զինելու միջոցներ: Որտեղի՞ց նրանց այդ ամենը: Միանշանակ, նրանց օգնում են բարձր պաշտոններ զբաղեցնող մարդիկ», - հայտարարել է Քադիրովը՝ ԻՊ առաջնորդին կոչ անելով խոստովանել, որ աշխատում է ամերիկյան հետախուզության համար:
«Բաղդադին այսօր պետք է հանի իր դիմակը եւ բացահայտ ասի, որ ինքը ԿՀՎ-ի աշխատակից է: Եթե իրեն իսկապես իրական մահմեդական է համարում, պետք է բացահայտ խոստովանի, որ սպանում է իր հավատակից եղբայրներին, ներողություն խնդրի իր հավատակիցներից եւ ցրի իր հանցախումբը», - նշել է Քադիրովը:
