Հայաստանում կյանքը չի վատանա, եթե Եվրասիական միության ավելի շատ ապրանքներ հայտնվեն: Այս մասին հոկտեմբերի 21-ին լրագրողներին հայտարարել է «Հայաստանի սպառողների միություն» ՀԿ-ի նախագահ Արմեն Պոսոսյանը:
Ըստ նրա՝ եթե ինչ-որ մեկը մտահոգվում է, որ եվրոպական ապրանքները կքչանան, թող մտածի, թե բնակչության քանի տոկոսն է դրանք ամեն օր գնում: «Հարուստ մարդը, ով 700 դոլարանոց կոստյում էր գնում, կշարունակի գնել, ինչ մաքսատուրքեր էլ սահմանվեն: Եվրոպական ապրանքներն, իհարկե, շատ որակյալ են, ով է վիճում: Բայց մեր քաղաքացիների մեծամասնության համար դրանք առօրյա կյանքում մատչելի չեն, եւ այդ մասին բոլորը գիտեն: Այդ պատճառով, բնակչության համար վատ բան չկա նրանում, որ մեծ քանակությամբ ապրանքներ հայտնվեն Ռուսաստանից եւ Բելառուսից:
Հիշեցնենք, ԵՏՄ-ին Հայաստանի անդամակցության պայմանագիրը ստորագրվել էր հոկտեմբերի 10-ին՝ Մինսկում, Եվրասիական տնտեսական բարձրագույն խորհրդի նիստում:
