Ռուսաստանի եւ Ուկրաինայի նխագահներ Վլադիմիր Պուտինն ու Պյոտր Պորոշենկոն այսօր՝ հոկտեմբերի 21-ին հեռախոսազրույց են ունեցել: Այս մասին գրում է «Վզգլյադ»-ը՝ վկայակոչելով Կրեմլի մամուլի ծառայությունը:
«Հաշվի առնելով օրերս Միլանում կայացած բանակցությունները տարբեր ձեւաչափերով, կողմերը կարծիքներ են փոխանակել գազային ոլորտում փոխգործակցության հարցերի շուրջ»,-նշված է Կրեմլի հաղորդագրությունում:
«Հաստատվել է նաեւ Ուկրաինայի հարավ-արեւելքում հակամարտության խաղաղ կարգավորման գործընթացին հետագայում աջակցելու կարեւորությունը»,-ասված է հաղորդագրությունում:
Միաժամանակ, Բրյուսելում սկսվել է Ռուսաստան-Ուկրաինա-Եվրոպական հանձնաժողով եռակողմ ձեւաչափով նախարարների մակարդակով հանդիպումը՝ գազային խնդրով:
