ԻՆԳՈ ԱՐՄԵՆԻԱ ապահովագրական ընկերությունը ներկայացրել է սոցիալական ուղղվածություն ունեցող նոր ծառայություն:
Ընկերության մամուլի ծառայությունից հայտնում են, որ այդ ծառայությունն ապահովում է ընտանիքի միակ կամ հիմնական եկամուտի աղբյուր հանդիսացող անձի ապահովագրությունը դժբախտ պատահարներից եւ այնպիսի ռիսկերից ինչպիսիք են՝ սրտամկանի ինֆարկտը, գլխուղեղի ինսուլտը, քաղցկեղի տարատեսակները:
«Վճարելով ամսական ընդամենը 5,500 դրամ մեկ տարվա ընթացքում պատահարի դեպքում դուք ստանում եք կամ միանվագ մինչեւ 5 500 000 դրամ կամ մինչեւ 10 000 000 դրամ 10 տարիների ընթացքում ամսական հատուցումներով: Ընդ որում ամսական մարումներով սխեման ընտրելու դեպքում Ձեզ հնարավորություն է տրվում հիմնական հատուցման գումարից յուրաքանչյուր զավակի հարսանեկան ծախսերը հոգալու համար ստանալ միանվագ մինչեւ 1 000 000 դրամ, երեխայի ուսման վարձը հոգալու համար ուսման ընթացքում՝ տարեկան մինչեւ 600 000 դրամ, իսկ հիփոթեքային վարկ ունենալու դեպքում ապահովագրական ընկերությունը կրկնապատկում է ամսեկան հատուցումները»,-ասված է ընկերության հաղորդագրության մեջ:
