Հոկտեմբերի 26-27-ին Հայաստանում կտրուկ կցրտի: Այդ մասին կառավարության նիստում հայտարարել է արտակարգ իրավիճակների նախարար Արմեն Երիցյանը: Նրա խոսքով, Լոռիի, տավուշի, Սյունիքի մարզերում ջերմաստիճանը կնվազի գրեթե 20 աստիճանով:
Ջերմաստիճանը կնվազի նաեւ Երեւանում: Պատճառը հզոր արկտիկական ցիկլոնն է Սիբիրից, որը շարժվում է հանրապետության ուղղությամբ:
Նախարարները նշել են, որ հարկավոր է այդ տեղեկությունը ժամանակին հասցնել բնակչությանը, որ մարդիկ կարողանան պատրաստվել: Մասնավորապես, գյուղնախարարությունը ֆերմերներին խորհուրդ է տալիս ավարտել բերքահավաքը:
