Մեքսիկայի Գերերոյի նահանգապետ Անխել Ագիրեն հրաժարական է տվել զանգվածային ցույցերից հետո, որոնք տեղի են ունենում ուսանողների ողբերգական մահից հետո, հաղորդում է ՏԱՍՍ-ը:
Վարչակազմի ղեկավարն իր հայտարարությունում նշել է, որ հույս ունի իր հեռացումով թուլացնել հասարակության մեջ առկա լարվածությունը:
«Իշխանությունների առաջնահերթությունը պետք է մնա 43 ուսանողների հետախուզումը, որոնք անհետացել են Իգուալա քաղաքում տեղի ունեցած ողբերգական միջադեպից հետո»,-ասել է Ագիրեն՝ հավելելով, որ ինքը ձեռնարկել է բոլոր հնարավոր միջոցները՝ կորածներին գտնելու համար:
Հիշեցնենք, որ հոկտեմբերի 11-ին, Մեքսիկայում ուսանողների զանգվածային սպանության համար ձերբակալել են կասկածյալներից մեկին՝ թմրակարտելի ղեկավարի: Սեպտեմբերի 26-ին գագստերները ոստիկանների հետ համատեղ առեւանգել ու գնդակահարել էին մի քանի տասնյակ ուսանողների, որոնք հանդես էին գալիս կրթական բարեփոխումների դեմ: Այս գործով հետաքննությունը շարունակվում է: Կորած ուսանողների գտնվելու վայրը դեռ հայտնի չէ: