Մեքսիկայում շարունակվում է առանձնակի դաժանությամբ կատարված հանցագործության հետաքննությունը, երբ գանգստերները ոստիկանների հետ առեւանգել էին եւ գնդակահարել մի քանի տասնյակ ուսանողների, որոնք հանդես էին գալիս ընդդեմ կրթական բարեփոխումների: Այս մասին գրում է NEWSru-ն՝ վկայակոչելով տեղի լրատվամիջոցները:
Քննության վարկածով՝ սպանություններին առնչություն ունեն «Միացյալ մարտիկներ» խմբավորման անդամները, իսկ նրանց առաջնորդը Սալոմոն Պինեդա Վիլյան (մականունը՝ «Էլ Մոլոն») Իգուալայի քաղաքապետի հարազատն է:
Հենց Իգուալայում են ոստիկաններն ու ավազակները սեպտեմբերի 26-ին սպանդ կազմակերպել: Այն ժամանակ սպանվել էր 6 ուսանող, եւս 43-ն անհետ կորել էին:
Թմրաբարոնին ձերբակալել են ծովային հետեւակի զինվորականներ: Ուժայինները փնտրում են նաեւ Իգուալայի քաղաքապետին եւ նրա կնոջը, որոնց ցանկանում են հարցաքննել զանգվածային սպանությունների գործով: