Եգիպտոսի գլխավոր դատախազությունը մահապատիժ է պահանջել երկրի նախկին նախագահ Մուհամեդ Մուրսիի եւ «Մահմեդական եղբայրներ» խմբավորման եւս 35 անդամների համար, հաղորդում է «Պրավդա»-ն՝ վկայակոչելով տեղի լրատվամիջոցները:
Մուրսին եւ գործով անցնող մնացած անձանց մեղադրում են օտարերկրյա կազմակերպությունների հետ դավադրության մեջ, որի նպատակը երկրի ներսում ահաբեկչական ակտեր կազմակերպելը եւ ռազմական գաղտնիքները այլ երկրներին հայտնելն է եղել:
Մուրսին զինվորականների կողմից իշխանությունից հեռացվել եւ կալանավորվել է 2013-ի ամռանը: Նախկին նախագահի դեմ դատական գործընթացն ընթանում է փետրվարի 16-ից: Մուրսին եւ «Մահմեդական եղբայրների» ղեկավարները մեղադրվում են նաեւ ահաբեկչությունը, իրենց ակտիվիստների ռազմական նախապատաստությունը ֆինանսավորելու, ինչպես նաեւ Եգիպտոսի տարածքային ամբողջականությանը վնասող այլ գործողությունների մեջ՝ նպատակ ունենալով իրականացնել «Մահմեդական եղբայրների» միջազգային ցանցի կողմից դրված նպատակները: