Ուկրաինայի Գերագույն Ռադայում «Պյորտր Պորոշենկոյի բլոկի» առաջնորդ Յուրի Լուցենկոն, «Բատկիվշչինայի» առաջնորդ Յուլա Տիմոշենկոն, «Ժողովրդական ճակատի» առաջնորդ Արսենի Յացենյուկը, «Օլեգ Լյաշկոյի արմատական կուսակցության» ղեկավար Օլեգ Լյաշկոն եւ «Սամոպոմիչ» միավորման առաջնորդ Օքսանա Սիրոյեդը հանդիսավոր պայմաններում ստորագրել են կոալիցիոն համաձայնագրի տեքստը:
«Պյոտր Պորոշենկոյի բլոկից» Վլադիմիր Գրոյսմանը նշել է, որ կոալիցիոն համաձայնագրի պաշտոնական արարողությունը տեղի կունենա նոր Ռադայի առաջին նիստում:
Երկրի վարչապետ Արսենի Յացենյուկը հայտարարել է, որ խորհրդարանական կոալիցիայի կազմում կլինի Գերագույն Ռադայի սահմանադրական մեծամասնությունը:
«Խորհրդարանում նոր եվրոպամետ մեծամասնության կազմում կա 300 պատգամավոր»,-ասել է նա, հաղորդում է ՈՒՆԻԱՆ-ը:
